ಪ್ರೀತಿಗೆಂದೆಂದು ಇಲ್ಲ ತಿರಸ್ಕಾರ
ತಿಳಿದರೆ ತಾನಾಗಿಯೇ ತಿಳಿಯುವುದು
ಕೆಲವೊಮ್ಮೆ ಪ್ರೀತಿಸುವ ಮನವನು ಅರಿಯದು ..
ಅರಿಯದೆ ಯಾರನು ಪ್ರೀತಿಸದು ....
ಸಾಧ್ಯವಾದರೆ ಸಂಗಾತಿಯಾಗುವುದು
ಸಲ್ಲದಿರೆ ಮರೀಚಿಕೆಯಾಗುವುದು
ಸಾಯುವವರೆಗೂ ಭಾವನೆಗಳ ಸಾಯಿಸಿ
ಎದೆಯ ಗೂಡಿನ ಒಳಗೆ ಸಮಾಧಿಯ ಕಟ್ಟಿ
ಹೂತಿಡುವುದಕ್ಕಲ್ಲ ಪ್ರೀತಿ
ಭಾವಗಳ ಬಯಲುಗೊಳಿಸಿ ..
ತಿಳಿಯಾಗುವುದು ಮನದಾಳದ ಭೀತಿ ...
ಜೋಪಾನವಾಗಿ ತೆರೆದಿಟ್ಟ ಪ್ರೀತಿ
ಪ್ರೇಮಿಯ ನಾಟದೇ ಹೋದಲ್ಲಿ
ಮನೆಯ ಮುಂದಿನ ತುಳಸಿ ಕಟ್ಟೆಯಂತೆ
ಪ್ರೀತಿಯ ನೆಟ್ಟು ಪೂಜಿಸುವ ...
ಕೊನೆಪಕ್ಷ ವೈರಾಗ್ಯವೆಂಬ ಪ್ರಸಾದವಾದರು ಸಿಕ್ಕೀತು ....!
Thursday, March 25, 2010
Tuesday, March 23, 2010
ಮನಸ ಕೊಡುವ ಮುನ್ನ
ರೇಶಿಮೆ ಹುಳದ ಸುತ್ತ ಸುತ್ತಿರುವುದು ಕನಸಲ್ಲ
ಗೆಳತಿ ಕಲ್ಪನೆಯ ಕಾವ್ಯದೊಳು ಕಾಣದಿರುವ ತಮಸ್ಸು...
ಸ್ನೇಹದ ನೊಗವ ಹೊರಲು ಸಾಲದು ಹೆಗಲು
ಹಗಲು ಹೊತ್ತಲ್ಲೇ ಕಾಣದಂತಾಯ್ತಲ್ಲ ಮುಗಿಲು...
ಏನೋ ಕನವರಿಸುತ್ತ ಕಳೆದು ಹೋಯ್ತು ಕಾಲ
ಕ್ಷಣ ಹೊತ್ತು ಮೈಮರೆತಾಗ ಕ್ಷಣಿಕವಾಯ್ತೆ ಪ್ರೇಮಜಾಲ?
ಕಂಪನು ಇತ್ತ ಪ್ರೀತಿಗೆ
ಪ್ರೇಮಿಗಳ ಕಂಪಿಸುವುದೂ ತಿಳಿದಿದೆ ಕಾಡಿಸುವುದೂ ತಿಳಿದಿದೆ ....!
ಮನಸ ಕೊಡುವ ಮುನ್ನ
ಮಾತು ತಿಳಿದಿರೆ ಚೆನ್ನ !!!.....!!
ಗೆಳತಿ ಕಲ್ಪನೆಯ ಕಾವ್ಯದೊಳು ಕಾಣದಿರುವ ತಮಸ್ಸು...
ಸ್ನೇಹದ ನೊಗವ ಹೊರಲು ಸಾಲದು ಹೆಗಲು
ಹಗಲು ಹೊತ್ತಲ್ಲೇ ಕಾಣದಂತಾಯ್ತಲ್ಲ ಮುಗಿಲು...
ಏನೋ ಕನವರಿಸುತ್ತ ಕಳೆದು ಹೋಯ್ತು ಕಾಲ
ಕ್ಷಣ ಹೊತ್ತು ಮೈಮರೆತಾಗ ಕ್ಷಣಿಕವಾಯ್ತೆ ಪ್ರೇಮಜಾಲ?
ಕಂಪನು ಇತ್ತ ಪ್ರೀತಿಗೆ
ಪ್ರೇಮಿಗಳ ಕಂಪಿಸುವುದೂ ತಿಳಿದಿದೆ ಕಾಡಿಸುವುದೂ ತಿಳಿದಿದೆ ....!
ಮನಸ ಕೊಡುವ ಮುನ್ನ
ಮಾತು ತಿಳಿದಿರೆ ಚೆನ್ನ !!!.....!!
Thursday, March 18, 2010
ನಾ !
ಬದುಕೆಂಬ ತೀರದಲ್ಲಿ
ಬಯಕೆ ಎಂಬ ಬಿಸಿ ಅಲೆಗೆ ಬೆರಗಾಗಿ
ಕಾಣದ ಸುಳಿಯ ಕಾತರಿಸುತಿಹೆನು ....
ಅವಳ ಮಂಪರು ಮಾತಿನ
ತುಂತುರು ಮಿಡಿತವ
ತಂತಾನೆ ಮನದಲಿ ಪಿಸುಗುಡುತಿಹೆನು...
ಆ ನೋವಿಲ್ಲದ ನಲುಮೆಗೆ
ಪೀಡಿಸದ ಪ್ರೀತಿಗೆ
ಹೃದಯದಲ್ಲೇ ಪರದಾಡುತಿಹೆನು ,...!
ಬಯಕೆ ಎಂಬ ಬಿಸಿ ಅಲೆಗೆ ಬೆರಗಾಗಿ
ಕಾಣದ ಸುಳಿಯ ಕಾತರಿಸುತಿಹೆನು ....
ಅವಳ ಮಂಪರು ಮಾತಿನ
ತುಂತುರು ಮಿಡಿತವ
ತಂತಾನೆ ಮನದಲಿ ಪಿಸುಗುಡುತಿಹೆನು...
ಆ ನೋವಿಲ್ಲದ ನಲುಮೆಗೆ
ಪೀಡಿಸದ ಪ್ರೀತಿಗೆ
ಹೃದಯದಲ್ಲೇ ಪರದಾಡುತಿಹೆನು ,...!
Subscribe to:
Posts (Atom)